ಹಳದಿ ಹೂವ ಮರವೇ ಹೇಳು
ಎಂದು ಬರುವ ಲಕ್ಷ್ಮಣ ?
ಹತ್ತರೊಡನೆ ನಾಲ್ಕು ಚೈತ್ರ
ಯುಗವು ಒಂದು ಪ್ರತಿ ಕ್ಷಣ!
ಪರ್ಣಕುಟಿಯ ಕದವ ತಟ್ಟಿ
ಬರುವನೆಂದು ನನ್ನವ?
ಹೇಳು ಸರಯೂ ತಾಳಲಾರೆ
ಇನಿಯನಿರದೆ ವಿರಹವ....
ಅಡವಿಯಲ್ಲಿ ಯಾವ ಮಾಯೆ
ನಲ್ಲ ನಿನ್ನ ಸೆಳೆಯಿತೋ!
ಎಲ್ಲಿ ಮಾರಿ ಕಣ್ಣು ತಗುಲಿ
ನಿನ್ನ ದೇಹ ಸೊರಗಿತೋ......
ಬಲ್ಲೆ ನಾನು ಬರುವನವನು
ಹೃದಯ ಅವನ ಕಾದಿದೆ
ಮುತ್ತನೆಲ್ಲ ಏಣಿಸುತಿರುವೆ
ಕೆನ್ನೆ ಇನ್ನೂ ಹಸಿಯಿದೆ .....
Subscribe to:
Post Comments (Atom)
No comments:
Post a Comment