ಕಿಟಿಕಿಯಾಚೆಗಿನ ದೃಶ್ಯ

ನೆಟ್ಟ ದೃಷ್ಟಿ ನೆಟ್ಟ ಹಾಗೆ ಸ್ಪಷ್ಟವಿಲ್ಲ ಚಿತ್ರಣ
ಕಿಟಿಕಿಯಾಚೆ ನಿಂತ ನಿನ್ನ ಮೌನ ,
ನನ್ನೆದೆಯಲೇಕೋ ಏನೋ ತಲ್ಲಣ
ಮೌನ ಮೀರಿ ಮಾತು ಬರಲಿ ಈ ಕ್ಷಣ. ........
ನಿನ್ನ ಪ್ರೀತಿ ಕರೆಯಿತೆನ್ನ ಕಿಟಿಕಿ ಹತ್ತಿರ
ಕದ್ದು ಮುಚ್ಹಿ ಕಂಡ ಕನಸ ನೆನೆಯುತ,
ನಿನ್ನ ನಗುವಲೆ ಲೀನವಾಗಿ ಮಾತು ಮರೆಯಿತು
ಮೌನ ನೀಡಿತು ಉತ್ತರ ............

ಮುಸ್ಸಂಜೆಯ ಮೌನ

ಆಕಾಶದ ತುಂಬ ಬಿಳಿ ನೀಲಿ ಕಪ್ಪು ಮೋಡ
ಅದನೆ ನೋಡುತ ನಿಂತಿರುವೆ, ಮಾತಾಡಬೇಡ
ಮೌನ ಮೀರಿದರೆ ಈಗಿರುವ ಗಳಿಗೆ ಈಗಿಲ್ಲ
ಕಳೆದು ಹೋಗುವುದು ಈ ಆನಂದ ತರವಲ್ಲ
ನೀನಾಡುವ ಮಾತುಗಳ ಮನದಲ್ಲೇ ಆಡಬಹುದು
ಕೇಳುವುದು ನನ್ನೊಳಗಿವಿಗೆ ಆ ಗಳಿಗೆಯಲ್ಲೇ!