ಅವನ ಪ್ರೇಮದ ಹಾಗೆ ......

ಟಪ್ ಟಪ್ ಟಪ್ ...
ಹನಿ ಮಳೆ ,
ಅವನ ಪ್ರೇಮದ ಹಾಗೆ!
ಅಲ್ಲಿ ಭೋರ್ಗರೆತ , ಆವೇಶ ಇಲ್ಲ,
ಬರಿಯ ಮಣ್ಣು ವಾಸನೆಗೆ
ಮೂಗರಳಿಸಿ ಆಸ್ವಾದಿಸುವ ನಿರಾಳತೆ....

ಸಂಪಿಗೆ ಮರದೆಲೆಗಳ ಮಾತ್ರ
ಅಲುಗಾಡಿಸಿದೆ ಮೇಲು ಗಾಳಿ,
ಅವನ ಪ್ರೇಮದ ಹಾಗೆ!
ರೆಂಬೆ- ಕೊಂಬೆ, ಕಾನ್ದವನ್ನೇ ಕುಲುಕಿಸಿ
ಅಸ್ತಿತ್ವವ ಮರೆಸುವುದಿಲ್ಲ,
ತೇಲಿ ಬಂದ ಸಂಪಿಗೆಯ ಕಂಪಿನಲ್ಲಿ
ಅವನ ಪ್ರೇಮ ಗಾಢವಾದಂತೆ......

ಚೈತ್ರದಲ್ಲಿ ಕುಹೂ ....
ಕೊಗಿಲೆಯುಲಿತ ,
ಅವನ ಪ್ರೇಮದ ಹಾಗೆ!
ಸೈರನ್ನಿನ ಕೊ.....
ವಿನ ಹಾಗೆ ಬೆಚ್ಚಿ ಬೀಳಿಸುವುದಿಲ್ಲ,
ಜೋಗುಳ ಹಾಡಿನ ಕೊನೆಯ ಸಾಲಿನ
ಜೋ..ಜೋ..ಜೋ....

ಸಿಂಚನ ಬರೆದ ಕಥೆ

ಒಂದು ಕಾಡಿನಲ್ಲಿ ಎರಡು ಗಿಣಿಗಳು ವಾಸವಾಗಿದ್ದವು. ಅವರಲ್ಲಿ ಒಂದು ಹೆಣ್ಣು ಗಿಣಿ ಮತ್ತು ಒಂದು ಗಂಡು ಗಿಣಿ.
ಹೀಗಿರುವಾಗ ಒಂದು ದಿನ ಹೆಣ್ಣು ಗಿಣಿ ಎರಡು ಮೊಟ್ಟೆ ಇಟ್ಟಿತು. ಅವುಗಳಿಗೆ ಕಾವು ಕೊಟ್ಟು ಮರಿ ಮಾಡಿತು.
ಗಿಣಿಗಳು ಮರಿಗಳೊಂದಿಗೆ ಸಂತೋಷದಿಂದ ಇದ್ದವು. ಹೀಗಿರುವಾಗ ಒಂದು ದಿನ ಕಾಡ್ಗಿಚ್ಚು ಹೊತ್ತಿಕೊಂಡಿತು.
ಆಗ ಹೆಣ್ಣು ಗಿಣಿ ಗಂಡು ಗಿಣಿಗೆ ನಾವು ಮಕ್ಕಳೊಂದಿಗೆ ಬೇರೆ ಕಡೆ ಹೋಗೋಣ ಎಂದಿತು. ಅದಕ್ಕೆ ಗಂಡು ಗಿಣಿ
ಅದರ ಅಗತ್ಯ ಇಲ್ಲ, ನಾವಿರುವ ಮರ ತುಂಬಾ ಎತ್ತರವಿದೆ, ಇಲ್ಲಿ ವರೆಗೆ ಬೆಂಕಿ ಬರುವುದಿಲ್ಲ, ನಾವೆಲ್ಲಿಗೂ
ಹೋಗುವ ಅಗತ್ಯ ಇಲ್ಲ ಎಂದು ಹೇಳಿತು. ಸ್ವಲ್ಪ ಹೊತ್ತಿನ ನಂತರ ಬೆಂಕಿ ಅವರಿದ್ದ ಮರಕ್ಕೂ ಹಬ್ಬಿತು.
ಆಗ ಹೆಣ್ಣು ಗಿಣಿ ದಿಕ್ಕು ತೋಚದೆ ಗಂಡು ಗಿಣಿಯನ್ನು ಹುಡುಕಿತು. ಆದರೆ ಗಂಡು ಗಿಣಿ ಕಾಣಿಸಲಿಲ್ಲ. ಅದಾಗಲೇ
ಹಾರಿ ಹೋಗಿತ್ತು. ಹೆಣ್ಣು ಗಿಣಿ ಮತ್ತು ಮರಿಗಳು ಬೆಂಕಿಯಲ್ಲಿ ಬೆಂದು ಸತ್ತು ಹೋದವು.

ಮೌನದ ಅರ್ಥ- ಮಾತಿಗೂ ಸೂಕ್ತ

ನಾನು ಮಾತಾಡುತ್ತಲೇ ಇದ್ದೇನೆ,
ನಿನ್ನ ಮೌನವೇ ಉತ್ತರವೇನು?
ಕಾಡುವೆ ಏಕೆ ನನ್ನ ನೀ ಹೀಗೆ ,
ನಿನ್ನ ಮೌನಕ್ಕೆ ಅರ್ಥವಾದರೂ ಏನು?
ನಿನ್ನ ನೋಡಿಯೇ ಹೇಳಬಹುದು ,
ನೀ ಬಂದ ಕಾರ್ಯವೇನೋ ಇದೆ,
ಸಾವಿಲ್ಲದ ಮೌನದ್ದೇ ಮೆರವಣಿಗೆ
ನಡೆಸುತ್ತಿರುವುದಾದರೂ ಏಕೆ?
ಸಾವಿರ ಅರ್ಥ ಕೊಡುವ
ಒಂದು ಮಾತಾದರೂ ಆಡು.
ಮೌನ ಮೀರಿದಾಗ ಕಸಿವಿಸಿಯಾಗಬಹುದು,
ಕಾಡುವ ಮಾತುಗಳು ಮೌನ ತಾಳಲೂ ಬಹುದು
ಸಾವಿರದ ಅರ್ಥ ಮೌನಕ್ಕೆ ಮಾತ್ರವೇ?
ಮಾತಿಗೂ ಇರಬಹುದು .......