*ಭಕ್ತಿ ನಮನ*
ಜ್ಞಾನ ಜ್ಯೋತಿಯಿಂದ ಬೆಳಗುತಿರುವ ಮೂರುತಿ|
ಶಿಷ್ಯ ಕೋಟಿಗೆಲ್ಲ ನಿಮ್ಮ ನುಡಿಯೇ ಸ್ಫೂರ್ತಿ||ಶರಾವತೀ ತೀರದಲ್ಲಿ ನಿಮ್ಮ ವಾಸವು|
ಕತ್ತಲೆಯ ನೀಗುವಂಥ ಮಂದಹಾಸವು|
ತುಂಗೆಯ ನೀರಿನಲ್ಲಿ ಕಾಣ್ವ ಬಿಂಬವು|
ಗಂಗೆಯ ಸ್ನಾನದಂತೆ ನಿಮ್ಮ ಸ್ಮರಣೆಯು.||
ಮುಷ್ಠಿ ಅಕ್ಕಿಯಿಂದ ಜನರ ಹಸಿವು ನೀಗಿತು|
ಒಡೆದ ಬಳಗ   ಬಿರುಕು ಮುಚ್ಚಿ ಭದ್ರವಾಯಿತು|
ನಮ್ಮ ನೆಲದ ಗೋವು ತಳಿಯು ವೃದ್ಧಿಯಾಯಿತು|
ನಿಮ್ಮ ಕೃಪೆಯು ನಮಗೆ ದಾರಿ ದೀಪವಾಯಿತು||
ನಿತ್ಯ ನಿಮ್ಮ ನೆನೆವೆ ಸ್ವಾಮಿ ರಾಘವೇಶ್ವರ|
ಸ್ಮರಣೆ ಮಾತ್ರದಿಂದ ದುರಿತವೆಲ್ಲ ದೂರ|
ನಿಮ್ಮ ಮಹಿಮೆ ಅರಿತು ನಾವು ನಿತ್ಯ ಭಜಿಪೆವು|
ಭಕ್ತಿ ಮಾರ್ಗದಲ್ಲೇ ಸರ್ವ ಸುಖವ ಕಾಣ್ವೆವು||
ಸದಾ ನಿಮ್ಮ ಕೃಪೆಯ  ಬೇಡ್ವೆ
ಗುರುವೇ ವಂದನೆ|
ತೊದಲು ಭಕ್ತಿ ಕುಸುಮವಿದು
ಗುರುವಿಗರ್ಪಣೆ||